Ar blez-mañ e vo digoret ar c'hampionnad get konkours ar bagadoù a zo er pevarvet rummad. Savet e vo a-benn disul e Pondi get Bodadeg ar sonerion sur-walc'h ha tud Kerlenn Pondi. Ur bagad àrn-ugent a gemero perzh en devezh-mañ. Hag en o mesk pemp bagadig. Klevet e vo dre skwer Bagad Nominoe Redon, bagad Roanne, bagad Logunec'h, bagadid Plougastell ha c'hoazh. Ret e vo da bep anezhe soniñ un heuliadenn 7 munutenn get an ton Boked eured e-barzj. Vonig Fraval eo renerez Bodadeg ar Sonerion, laret a ra deomp pelloc'h. 'benn disul da 1eur ha kard d'enderv e krogay ar c'honkour 4vet rummad neuze. E palez ar c'hendalc'hioù e Pondi.