Nec'het eo Solidarité Paysans
Kalz peizanted a zo degouezhet bec'h warno e Frañs abaoe pell zo ha lod deuzhouto n'int ket gouest d'en em zibab o-unan zoken. Evit sikour ar re-mañ eo bet krouet ar gevredigezh Solidarité Paysans. Reiñ sikour d'al labourerien-douar, selaou anezho pe c'hoazh aliañ anezho a ra abaoe tost tregont vloaz 'zo. Met gwashaet eo an traoù ar bloaz-mañ gant ar sec'hor evel-just. Fallaat a ra an traoù gant ar beizanted pep bloaz, hervez ar pezh a c'haller lenn war rentañ-kont ar gevredigezh, bet embannet pemzekteiz 'zo. Ar saverien-loened a vez paket fall ar muiañ, ha gwasoc'h emañ an traoù c'hoazh gant ar saverezed-loened. Selaouomp Robert Nicolas, a-youl er strollad Solidarité Paysans e Sant-Brieg.
