Embannet eo bet ar c'heleier gant Benjamin Bouard.

Gouelioù-Pask

Selaouomp an aotroù Sanson, kelenner e kloerdi bras Roazhon, da lâret deomp peseurt talvoudegezh 'neus ar gouel-mañ evit ar gristenien.

Ur reportaj gant Anton Burel

Ur "selaouer libr" en UBO

Digwener e oa devezh diwezhañ ar c'hentelioù en UBO e Brest ha komañset eo mare an egzaminoù bremañ. Met lod zo aet e vakañsoù dija : ar selaouerien libr. Bernez Gentil a zo unan deuzhouto. Pevar bloaz 'zo e oa graet e soñj gantañ da vont d'ar skol-veur da selaou kentelioù istor.

Ur reportaj gant Erwan Blanchard

Ha da glevet ivez :

Un harz-an-tan etre Teheran ha Washington

Cécile Kohler ha Jacques Paris zo bet liberet gant an Iran

Ar c'haner Kanye West baniset e Bro-Saoz

Nicolas Sarkozy dirak ar juj ur wech all c'hoazh

Ha savet e vo an Alsaz en-dro ?

10°C muioc'h evit ar pezh a vêr sañset da gaout e miz-Ebrel