Doc’h ar c’hiz eo ar stiradoù ha niverus meurbed eo ar c’hinnigoù àr ar savennoù hag ar chadennoù tele. Met unan anezhe, Boglands, he deus peadra da zesachañ an evezh. Ur stirad e Gouezeleg eo, da laret eo Gaelig, troet e rannvro an Donegal e Norzh bro Iwerzhon. (ha pas Bro Iwerzhon an Norzh !)

An enklask polis get un aergelc’h teñval, en ur barrez vihan àr ar maezoù a roa tro da veajiñ dre ar gweledvaoù dibar.

Maela Ar Badezet kanourez ha telennourez anezhi, he deus kemeret perzh da sevel ar sonerezh get Krismen, diàr e ginnig. Kejet en doe ar sonour get skipailh Boglands pa oe é sevel e pezh c’hoari Bastard, get harp ur raktres European.

Ar c’hwec’h rann 45 munutenn pep hani a zo da welet àr Arte hag un eil koulzad a vo a-drugarez d’ar berzh n’eus graet an hani kentañ.

Un atersadenn kaset get Aodren Trehin.