Gouel Kerfolk e Plabenneg
'Benn disadorn da noz e vo aozet eil nozvezh Kerfolk e Plabenneg. Lañset e oa bet ar festivalig warlene ha berzh 'noa graet. Setu perak o deus divizet an aozerien, hag a zo sot gant ar Folk music 'vel just, kinnig un eil abadenn ar bloaz mañ. Brav-kaer e vo ar sonerezh e sal Marsel-Bouguen 'benn disadorn da noz : Philippe Henry asambles gant Hannah Martin da gentañ ha war lec'h e vo klevet Jamie Mac Menemy. Selaouomp displegadennoù prezidant ar gevredigezh Kerfolk, Bernez Genty, ouzh mikro Erwan blanchard.
