Berzh 'ra skol Montessori 'ban Henbont
A-c'houde ur blez eo bet krouet an hentenn Montessori er skol Sant Jili. Diàr intrudu ur strollad kerent e bro an Oriant ha Sandrine Calvez, skolaerez a-c'houde 13 vlez ha bet stummet deus ket pell 'zo. 23 krouedur a zo er c'hlasad, bugale etre 3 ha 5 blez. Ur feson arall ha dishenval eo da gelenn, diazeet àr an ewezhiñ. Anvet eo ar c'hlasad « ti ar vugale » dre skwer ha savet 'zo glouestraj ha dafar ispisial. Sandrine Calvez deus displeget da Yaëlle ar Mouel peseurt chenjamant neus digaset an hentenn-se dezhi ha d'ar vugale.
