Ar haner Julian Casablancas oa bet klewet ba'r Montreux Jazz Festival e 2010 ewid kennigiñ e raktress solo. Ar soner-kitar Albert Hammond Jr neus embannet dow albom solo. An arall Nick Valensi neus sonet ged Devendra Banhart. Ar soner-batri Fabrizio Moretti neus krouet ar strollad Little Joy. Ar soner kitar-voud Nikolai Fraiture neus enrollet un albom solo iwe. Raog an traow-se, e 2007, o doa lâret The Strokes e vehe un tamm ehan gete. Setu perag ema bet lâret ha kredet e oa achu da vad gete. Tamm'bed ! Setu arru, d'an 21 a vis Meurzh 2011, 4ved albom ar strollad : Angles. Berr ew, mes ne vo ket dipitet o faned ur sort, kar diviset o deus da zistroiñ d'o orinow (o albom kentañ Is this it ? oa dàet er-maes e 2001). Lan ew an disk ur sort a soniow newez ewite : mod-kozh a-wezhow (dre soniow-klawier ar 80s) ; muioh a soniow elektroneg iwe ; ha toniow savet gwell (ewid ar wezh gentañ emaint bet komposet ged toud ar vusissianed). Àr-un-dro ged The Libertines pe The Hives o doa degasset The Strokes ur son rock-garajig newez er 2000s, ha sukse o doa bet a-benn ged o albom kentañ. Gwelet vo ma kerhay ken mad an hani newez. CATHERINE RINGER "Ding dang dong" in Catherine Ringer chante les Rita Mitsouko and more à La Cigale (2008 . Warner) CATHERINE RINGER "Pardon" in Ring'n roll (2011 . Six SARL / Because Music) LADY GAGA "Just dance" in The fame (2008 . Interscope / Polydor) LADY GAGA "Judas" in The fame (2011 . Interscope / Kon Live) THE STROKES "Hard to explain" in Is this it ? (2001 . RCA) THE STROKES "Under cover of darkness" in Angles (2011 . RCA)