Embannet eo bet ar c'heleier gant Anton Burel

Gwerzh a-vras gant Keit Vimp Bev an dibenn sizhun-mañ

Emañ an ti embann Keit Vimp Bev o prientiñ ur pezh cheñchamant. Setu ouzhpenn 40 vloaz 'zo e oa staliet an ti e Laz, er menzioù Du. Dilojañ a raio ar stal un nebeud kilometroù alese, e Kreiz Breizh atav, e Karaez. Un digarez evit diboultrennañ an ti ha dreist-holl aozañ ur Gwerzh vras eus ar stokoù levrioù bet embannet abaoe 1982 ! Levrioù « kolektor », c'hoarioù-taol e brezhoneg ha levrioù nevez flamm a vo da brenañ war al lec'h en dibenn sizhun-mañ. Muioc'h a ditouroù gant Laouen Nikolaz-Gourkuñv, a zo kenurzhierez ar gelaouenn Rouzig.

Ur pennad kaoz gant Metig Jakez Vargas

Plabenneg ha Kib Bro C'hall

Un tamm sport evit echuiñ ho abadenn keleier ar vro gant Plabenneg ha Kip Bro-C’hall melldroad! Sed aze un istor karantez etre ar c’hleub bihan eus kreiz Bro-Leon ha kenstrivadeg koshañ melldroad ‘ba Frañs zo kontet gant Louis Floc’h, ur c’haztenner yaouank eus ar vro. Dindan ur film a bad 1 eurvezh hanter e ro da vevañ an avañturioù renet abaoe 1990 gant c’hoarierien Stad Plabenneg. Deuet int a-benn d’en em gavout 9 gwech e eil tro ha tregont ar c’hip hag ur wech e 16vet tro ! Degemeret ‘neunt kleuboù eus al Lig 1 evel Bourdel, Lille, OGC Niça, kleuboù zo e Lig 2 evel Grenoble… Bet int betek bezañ trec’h war AS Nancy Lorraine, ur c’hleub ‘oa e Lig 1 e 2010, war e dachenn… War ar velldroad ‘neus lakaet Louis Floc’h ar gaoz… Met evitañ e ya pelloc’h an istor etre Stad Plabenneg ha Kip Bro-C’hall…

Ur pennad kaoz gant Erwan Blanchard

Ha da selaou ouzhpenn er c'heleier :

• Argadenn an islamourien e Siria

• 2 mennad disfiz a vo tabutet hiziv e Pariz

• Stad ar baourentez en Il ha Gwilen hag e Breizh