'Benn diriaou beure 'vo dalc'het ar Breved: diplom kentañ 'ban deskadurezh. Pal an DNB eo gwiriekaat 'pezh 'neunt desket ar vugale abaoe m'emaint 'bar skolaj. Ar skolajidi 'zo en trede klas, neuze, 'nefont da dremen arnodennoù war an istor-douaroniezh, ar matematikoù hag ar galleg. Ul lodenn vat eus an notennoù bet ganto 'kerzh ar bloavezh skol a dalv evit ar Breved. Evit ul lodenn anezho eo paket an diplom araok tremen an traoù. Memestra, peseurt mod 'vez prientet an arnodenn mañ? Selaouomp Pierreig aer Vourc'h eus Logonna-Daoulaz. Ur paotr aketus 'neus soñjet mat e implij-amzer. Ur pennad-kaoz gant Erwan Blanchard.