Scot Broioù COB e kreiz an tabutoù
Trouz ‘zo gant Scot broioù ar C’hob, lec’h ma kaver Karaez, Rostrenn, Gourin ha Kastelnevez ar Faou. Votet eo bet dec’h gant an dilennidi an dokumant-se, da lâret eo ur steuñv a diskwell an hentad diorren a vo kemeret en ugent ‘loaz da dont gant ur c’holiktivite bennak. Da skwer : pet hektarad a douaroù a vo implijet da sevel tiez, hentoù pe labouradegoù, peseurt strategiezh a vo divizet da geñver ar produiñ energiezh hag ar c’hleuzioù… Kement-mañ ‘oa ba kreiz an tabutoù dec’h ‘ba Gourin...
Votet eo bet ar raktres Scot daoust da ali ar « c’homision d’enquête » Gwelloc’h eo kaat ur Scot bresk eget chom hep hini ebet, herveze. Graet ‘vo un nebeud cheñchamantoù memes tra, da skwer : digresket un tamm an niver a diez a vo savet er vro. Nebeut a draoù er fin, ha ne oa ket plijet an ekologourien a oa dirag sal ar c’huzul en Gourin. Kaoz ‘zo, dija, eus kas an afer dirag al lezvarn evit klask nullañ ar Scot mod pe vod. Daoust m’eo bet votet.
