Kinniget eo bet ar c'heleier gant Anton Burel ar beure mañ.

Koun Breizh hag ar stourm evit derc'hel an anvioù lec'h brezhonek.

Al lezenn 3DS a redi ar c'humunioù da niverenniñ ha reiñ ur straed da bep ti, evit aesaat labour ar Post pe c'hoazh ar sikourioù. Pep kumun he deus ranket neuze adwelet he lec'hanvadurezh. Lod o deus dalc'het kont eus ar glad hag ar brezhoneg. Met kumunioù all siwazh o deus dilemmet an anvioù brezhonek. Setu perak he deus ar gevredigezh Koun Breizh goulennet digant an Unesco na vefe savetaet diouzhtu an anvioù lec'h brezhonek hag e vefent anavezet evel glad dizanvel an denelezh. Respontet he deus an ensavadur ar sizhun dremenet ne oa ket mallus an enskrivadur-se er glad dizanvezel, met e oa deus ur glad dizanvezel memestra ha gervel a ra ar galloudoù publik gall da wereziñ ar glad-se. Muioc'h a zisplegadennoù gant Yann-Bêr Kemener, a zo ezel eus ar gevredigezh Koun Breizh.

Ur pennad-kaoz gant Morgane Bramoullé deus Radio Kerne

Ar reportajoù a zo da selaou amañ

Tennañ plouz berr ar Stad Brestiz e lig ar gampioned 

Real Madrid, FC Barcelona, Bayer Leverkusen pe c’hoazh PSV Eindhoven ! Brokus eo bet urzhiataerezh an UEFA gant kleub Stade Brestois da geñver an tennañ plouz berr evit ar Champion’s League 2024-2025… Soñjit ‘ta ! Gwelet e vo kleub brasañ ar bed ‘ba Breizh e fin miz Genver gant ar Real. Gounezet ‘noa skipailh Lig 1 Stad Brestois e blas e Champion’s League ar bloavezh paseet ‘pa ‘oa en em gavet e trede plas eus ar c’hampionad. Met n’eo ket echu ! Gant stumm nevez ar Champion’s League ar bloaz mañ eo 8 krogad e vo c’hoariet gant ar Vretoned ouzh 8 skipailh dishenvel : pevar anezho a vo ‘ba Breizh, ‘ba Gwengamp, hag ar pevar all en estren vro. Fin, o vevañ un huñvre deuet da wir emañ harperien Stad Brestois ‘vel ‘neus displeget Leo Gwilherm, unan anezho, da Erwan Blanchard.

Ur pennad-kaoz gant Erwan Blanchard

Da selaou ouzhpenn er c'heleier:

- Keloù deus ar Brezel en Ukraina

- Israel a zo o peuraloubiñ Sisjordania

- Stourm e Martinik a-enep kresk koust ar vuhez

- 15 maer a vro Dreger a zo bet kaset dirak al lez-varn

- Dibabet zo bet ar glad a vo adsavet gant loto ar glad