Kinniget eo bet ar c'heleier ar mintin-mañ gant Metig Jakez-Vargas

An dud klañv o spered a zo bet lakaet a-gostez eus tremen ar flammenn olimpel

Setu un afer neus graet trouz e bed ar vedisinerezh… E-pad tremen torchenn ar c’hoarioù olimpel e Frañs a-bezh e oa bet goulennet d’an ospitalioù psikiatrek nac’hañ an aotre da vont er maez da glañvidi ’zo. Ar prefetioù oa aet e darempred gant an ospitalioù evit ma ne vefe ket roet aotreoù da guitaat an ospital d’an dud klañv o spered hag ospitalizet dre ret. Meur a servijoù a zo en ospitalioù…Darn eus ar glañvidi a c’hell mont er maez, da skouer ar re o deus choazet mont d’an ospital drezho o unan… Lod all a zo ospitalizet dre ret e servijoù all kar diaes eo dezhe bevañ o unan er gevredigezh. Selaouomp Jean-Yves Broudig, bredelfenner, war ar diviz ar prefetioù.

Un atersadenn gant Yuna Kojan

Selaouit an holl reporatjoù AZE. 

Ha da glevout ivez er c'heleier :

- Goulennet o deus ar broioù su-amerikan eus an tu kleiz, Brazil, Kolombia ha Mec'hiko, na vefe gwiriekaet disoc'hoù an dilennadegoù e Venezuela

- Resevet zo bet kirri-nij brezel F16  gant Ukrenia

- 77 den a zo marvet dec'h e Bangladesh e-pad ar manifestadegoù a-enep ar gouarnamant

- Nec'het eo alamaniz ar Saks-Izel gant al lastez nukleel

- Disoc'hoù olimpel an dibenn sizhun