Kavet zo bet un emglev etre an Erer Kozh ha kêr Garaez
Abaoe bloavezhioù zo kann etre kêr Garaez hag aozerien an Erer kozh dreist-holl war implij tachenn Kerampuilh ma vez aozet ar gouel. Erru ken stenn an darempredoù etre an daou du ma oa bet embannet gant an aozerien e c’hallfe bout kaset an Erer Kozh da lec’h all pe c’hoazh roet fin d'ar gouel. Dimerc’her ‘oa bet dalc’het un emvod ‘ba isprefeti Kastellin evit klask renkañ an enkadenn. Meur a ensavadur o doa kemeret perzh ennañ : prefeti Penn-ar-Bed, Rannvro Breizh, Kuzul departamant Penn-ar-Bed, kêr Garaez hag an Erer Kozh… Ma n’eo ket renket an traoù eo adskoulmet un doare liamm etre kêr Garaez hag an Erer Kozh. Dre se eo disammet an holl ha tud ar festival. Muioc’h a displegadennoù gant Thierry Le Ster, unan eus ar re ‘neunt krouet an Erer Kozh hag a zo ezel eus ar gevredigezh c’hoazh.
Ur pennad-kaoz gant Erwan Blanchard
