Fuloret-ruz eo annezidi ar Vro Vigoudenn ha komite difenn ospital Pont 'n Abad o welet 'zo divizet kas an oberatadennoù e Kemper a-benn 2014. Ur skrid-goulenn 'n eus degaset 10 000 sinadur bennak met daoust 'm o deus ar stourmerien bet c'hoant 'n em gavout gant pennoù-bras an diviz e Roazhon, n'int ket bet degemeret. Diviz ajañs rannvroel ar yerc'hed ha ministrerezh ar yerc'hed a lak da fall ar vigouterien, boaz da gaout ur servij tost, digoust hag a vrud mat. D'ar sadorn 8 a viz Even 'zo lakaet emgav da 3e d'abardaez e Pont 'n Abad, evit reiñ da glevet eo un taol fall evit ar vro. Pedet eo an holl da vont. Selaouomp Martine Jolived, ezel eus kuzul difenn an ospital. Emañ deus mikro Katell Uguen.