Nag ur marathon a-houde disklêriadenn an dilennadegoù depute añtisipet (a vo dalc'het d'an 30/06 ha d'ar 7/07). E penn kommañs ar c'hetañ sizhun kaballiñ emañ kresket c'hoant an dud aterset get an ajañsoù sontadeg da votiñ evit Talbenn ar Bobl a 3 foent. Stabil e chom evit an RN, ha digresket un tammig evit strollad prezidant republik bro Frañs. Ar fed n'ehe strolladoù an tu kleiz gellet n'em lakaat a-stroll ha krouiñ Talbenn ar Bobl n'eus un efed talvoudus, sur. En desped da se n'eo ket bet roet pastell-bro ebet d'an UDB. Kouezhet an doéré da-heul ar manifestadeg b'An Oriant Diriaou 13 a viz Even. Penneg oa an dud o kerzhout e-dan ar glav an deiz-se da chom kreñv dirag an tu dehoù pellañ. Reportaj da glevout e penn kommañs ar podkast-mañ. Get manifesterionezed Valérie Prigent, Gaël Briand (kuzulier kêr b'An Oriant ha kuzulier rannvro evit an UDB), Louise Bienvenue ha Padrig Drean.

Pennad-kaoz ar sizhun: Clara Thabard a gont hirroc'h a-zivoud yezh an dud vouzar, hag he skiant-prenet doc'h mikro Caroline Trouillet.

Adkavit ivez Maël Gwenneg rener programoù brezhoneg FR3 Breizh àr Bali Breizh, hag Alan Goulwen evit ar gronikenn yec'hed àr ar louzoù da gousket.

Keleier ar vro get Tomaz Laken (RKB) e Gwengamp. Avel em fenn oa buhezet get Enora Molac e studio RBG.