Degouezhet eo ar Redadeg e Montroulez goude 2222 kilometr !
Miliadoù a dud a o en em vodet e kreiz-kêr Montroulez disadorn evit degouezh ar Redadeg. Daou-vil daouc'hant daou gilometrad warn-ugent a dreuz hentoù Breizh a oa bet redet dindan nav devezh, evit kas war-raok ar brezhoneg. Goude bezañ erruet eus Bro Leon, he deus ar Redadeg graet div wech tro kreiz-kêr Montroulez, araok en em gavout war a blasenn. Eno e oa bet diskoachet ha lennet an destenn a oa kuzhet er vazh test. Ur reportaj gant Metig Jakez-Vargas.
Klevet ho peus tro ha tro Gwenn an Dreo, o lenn an destenn, ha Charlez an Dreo, o doa skrivet testenn ar vazh-test a-stroll gant izili all eus o familh. 'Benn 2026 e vo ar Redadeg o tont, o c'hortoz e chom c'hoazh un nebeud kilometradoù da werzhañ war lec'hienn ar Redadeg.
