Avel em fenn - Yaou 23 a viz Mae
Tremenet eo ar Redadeg un eurvezh a-raok an abadenn war-eeun. Aterset eo bet neuze Kenan An Habask ha Yann-Ildut Galliou a ra war-dro d'ar videoioù a zo chomet da frammañ ur video e burevioù RKB. Displegañ a reont o labour hag o sell war ar Redadeg.
Ur reportaj gant Tomaz Laken e Gwengamp lec'h oa kilometr Splann ! ar media dizalc'h war Internet, bet tapet gante arc'hant gant ar Redadeg evit ur raktres skignañ o enklaskoù dre ar son e brezhoneg. Goulven, ur stajiad Stumdi a zo bet aterset ivez.
Keleier ar vro hag ar bed kinniget gant Erwan Blanchard.
Etienne Cabaret a zo deuet da c'houde war-eeun e studio RKB evit komz deus ar Serr'Party, ur gouel e Rostren a stroll un tropellad sonerien en un ti-feurm evit aozañ ur gouel d'ar sadorn 25 a viz Mae dindan un ti-gwer.
