Keleier embannet ar beure-mañ gant Tomaz Laquaine

Erru eo fin ar bloavezh-skol gant ar studierien

Krog eo mare an arnodennoù darnel abaoe dec’h hag e pado ur sizhunvezh pe ziv hervez ar gevrenn. Ar studierien en aotreegezh war ar brezhoneg a oa o tremen arnodennoù fonologiezh dec’h. Ur sapre labour evite met ivez evit ar gelennerien a vo tapet o amzer gant se betek fin miz Even. Pennad-kaoz gant Erwan Hupel, mestr-prezegenner war ar brezhoneg ha lennegezh Breizh.

Ur pennad-kaoz gant Anton Burel.

Brezhoneg e tier ar re gozh Bro-Dreger

Abaoe miz Gwengolo eo gopret Mireille Arnouat gant Ti ar Vro Treger-Goueloù evit kinnig atalieroù e brezhoneg e tier ar re gozh an departamant. Kroget he doa da labourat e Penn-ar-bed e miz C'hwevrer ivez. Betek fin miz Even e kinnigo atalieroù e brezhoneg e Lanneur. Arc'hantet eo ar re-se gant Tolpad kêrioù Montroulez ha ti-bod Lanneur. Labourat a ra Mireille Arnouat gant tost da dregont ti ar re gozh e Aodoù an Arvor hag e Penn ar bed. Bep miz e vez kinniget un tem disheñvel d'an annezidi. Dilun penn-sizhun e oa tem ar c'hezeg an hini a oa kinniget e Ti ar re gozh Lanneur ha kazi ugent a dud tro-dro da Vireille Arnouat.

Ur reportaj gant Maelys Poublanc, eus Arvorig FM.

Da selaou ouzhpenn er c'heleier-mañ :

- Stourm ar studierien evit ar Palestin er SU hag er Frañs

- Tagadennoù seksel ha seksist : Gérard Depardieu dirak ar justis e miz Here da zont

- Sinadeg da souten an Erer Kozh

...

Selaouit ar reportajoù en o fezh AZE.