Etre 20% hag 50% eus an dud o deus poan e-pad o amzerioù
Ur bochad tud a zo tapet gant "dysménorrhées" a zo poanioù e-pad an amzerioù. Etre 20 % hag 50 % eus ar boblañs o deus poan, hervez un enklask savet gant an AJOG, kazetenn amerikan war ar gwilioudiñ hag ar jinekologouriezh.
Poan gorf, poan benn, glazoù bras… Meur a boan a zo a c’hell bezañ ur gudenn bras evit ar vuhez pemdeziek. A-wechoù eo liammet ar poanioù-se gant kleñvedoù ’zo evel an endometrioz hag gwechoù all ne vez ket kavet ur respont dezhe.
Selaouomp da gentañ Marie Goyet, a zo tapet he-ivez gant poanioù e-pad hec'h amzerioù, ha Benjamin Franckaert da heul a zo medisin.
Ma klaskit ur den arbennikaet e c’hallit mont war lec’hienn endobreizh.com.
Atersadennoù savet gant Yuna Kojan
