Feulster en Ekuador etre an narkotrafikerien hag ar stad

E penn-kentañ miz Genver ez eus bet kaoz kalz deus bro Ekuador er c'heleier etrevroadel. Kresket spontus e vefe ar feulster er vro-se etre an narkotrafikerien pe trafikerien dramm hag ar Stad. Tud yaouank ezel eus ur gang armet o doa skrapet ostajoù war eeun er skinwel araok bezañ harzhet diouzhtu gant ar polis. Ha kantadoù a ostajoù a oa bet tapet gant prizonidi e pemp toull-bac'h eus ar vro. Ar stad a zifrae a zo bet disklêriet er vro evit tri ugent devezh gant ar prezidant nevez dilennet Daniel Noboa.  Monica Hernandez a zo ekuadorianez. N'eo ket difoupet a daol-trumm kudenn ar feulster e bro Ekuador e miz Genver, evel ma tispleg deomp.

Ur pennad-kaoz gant Metig Jakez-Vargas

Un tañva deus an Handisport e Skolaj Gwened

Ne vez ket gwall aliez lakaet war wel ar sportoù nammelezh… Padal ez eus ur bochad sportoù hag ur bochad sportourion ha sportourezed ! Un devzeh dreist-ordinal oa aozet e skolaj-Lise Diwan Gwened, kenstroll handisport Mor-bihan zo deuet da gomz h a da gannig atalieroù d’ar skolajidi e perare klas. E-pad an atalier neun dizoloet ar skolajidi ar basket dre gadorioù ruilh da skouer.

Ur pennad-kaoz gant Yuna Kojan

 

Ar reportajoù zo da selaou  amañ

 
Ha da glevout ouzhpenn 'bar c'heleier :

- Lid e Pariz e koun ar c'hallaoued lazhet gant stourmerien broadelour palestinad da vare oberadenn dour-beuz Al Aqsa
- Trec'h kadoriad Prachanda hag e strollad, ar Strollad Komunour Nepal (Kreizenn Maoour), e dilennadegoù Sened Nepal. 

- Fellout a ra da brefeti Il-ha-Gwilen kas ur familh palestinad a zo o chom e Roazhon da Gaza
- Poent war Kib Frañs ar melldroad (paotred & plac'hed)


Keleier embannet gant Anton Burel