Yalc'hadoù nac'het ar gevredigezh video Kanal Ti Zefs

A-enep Republik Bro-C’hall eo bet lakaet ar gevredigezh video eus Brest Canal Ti Zefs. E miz Kerzu tremenet o deus bet ur respont eus perzh an isprefeti evit displegañ perak o deus nullet isprefed Brest ur yalc’had a oa bet asantet dezho gant ur gomision ad-hoc e miz Even tremenet. Koulskoude e oa bet nac'het goude peogwir e vefe ar gevredigezh enep-republikan ar gevredigezh. Souezhus, direizh hag a enep demokratel eo an diviz se hervez Kristen Falc’hun zo ezel eus Kanal Ti zefs. Ar wech kentañ eo lakaet e pleustr al lezenn se e Breizh.

Ur pennad-kaoz gant Erwan Blañchard

Gweladenn en dielloù departamant e Kemper

Ur weladenn eus an dielloù e brezhoneg miret e Kemper gant Dielloù departamant Penn-ar-Bed a oa aozet ar sizhun dremenet. A bep seurt dielloù, e galleg dreist-holl hag e brezhoneg a-wechoù, a vez resevet, kempennet, renket ha miret eno. Geriadurioù, levrioù, testennoù, sonerezh pe barzhonegoù war folennoù-nij, skritelloù...a bep seurt a vez miret eno. Unan eus teñzoriañ brasañ sevenadur Breizh a gaver eno : karnedoù dastum kanaouennoù ar Barzhaz. Met ivez al lizhiri bet resevet digant Kervarker a-berzh Fañch an Uhel. Muioc'h a ditouroù gant Françoise Goapper, a ra war dro kempenn an dielloù.

Ur pennad-kaoz gant Metig Jakez-Vargas

Selaouit an holl pennadoù-kaoz amañ.

Da selaou en ouzhpenn er frapad keleier-mañ :

- Diviz al lez-varn etrebroadel war ar gouennlazh e Palestina gouzalc'het

- Kadarnaet eo bet darn vrasañ deus pennadoù lezenn an enbroiñ

- Stourm al labourerien-douar

- Keloù deus Lig 1 & Lig 2 melldroad ar baotred


Keleier embannet gant Anton Burel