Manifestet e vo 'ba Sant-Brieg gant ar rouedad skolioù Diwan d'an 3 a viz C'hwevrer 

« Hag ar brezhoneg » ? Ha komzet e vez brezhoneg e Aodoù-an-Arvor c'hoazh ? Setu ar goulenn a sav Diwan hag an Tier ar Vro digant kuzul an departamant. Kar evito ne vez ket graet netra, na gant an departamant, na gant ar strollegezhioù lec'hel, da sikour ar brezhoneg da zioreiñ. Meur a raktres a chom stanket en abeg ma ne vez ket graet e lod gant kuzul Aozoù an Arvor. Se zo kaoz eo divizet gant Diwan aozañ ur vanifestadeg ‘ba Sant-Brieg d’an 3 a viz C’hwevrer evit dihuniñ an dilennidi eus ar vro.  Muioc’h a displegadennoù gant Yoann Huiban deus kuzul skoazell ar raktres skolaj Diwan e Perroz-Gwireg, a zo ivez teñsorer ar rouedad Diwan, hag e vab Arzhur Huiban, skolajiad e skolaj Diwan Plizidi. Emaint gant Tunvez Gwlagen-Grandjean, AMAÑ.

Sachañ war ar gordenn a vo gwelet 'bar C'hoarioù Olimpek 'ba Pariz!

Gwelet e vo unan deus sportoù Breizh er c'hoarioù olimpek e Pariz : sachañ war ar gordenn ! N'eo ket e touezh ar sportoù ofisiel e vo sachet war ar gordenn evel just. Diskouezet vo d'an holl re o tremen dre gêriadenn ar c'hoarioù. Un Tregerad an hini eo a zo a-dreñv an taol-kaer-mañ. Serge Falezan eo prezidant Kevredad Sportoù ha C'hoarioù Breizh. Labourat a ra eñ kalz da lakaat ar c'hoarioù breton d'ober berzh. En o zouezh eo « sachañ war ar gordenn » an hini eo deuet a-benn da gas d'ar C'hoarioù Olimpek. Ha n'eo ket dre zegouezh. Kar bez zo bet ur mare, hag e oa ar sport-mañ e touezh ar sportioù ofisiel er c'hoarioù olimpek. Emañ Serj Falezan deus mikro Tunvezh Gwlagen-Grandjean AZE.

Ar reportajoù zo da selaou amañ

Da selaou 'bar c'heleier:

- Disrannouriezh: nullet zo ur yalc'had da reiñ da beder gevredigezh eus Brest gant an is-prefed

- Dilezet eo raktres taol-arnod memes gwiskamant gant an holl 'ba Plouizi

- Enkadenn al labourerien-douar

- Gwir da diforc'hañ: asantet eo gant an deputeed embarzhiañ ur pennad 'ba bonreizh Frañs

- Manifestadegoù bras 'ba Arjentina

- Sportoù: Brest Breizh Hand zo o kas an troc'h 'ba kampionad Lig 1 Hand maouezed!

Embannet eo an abadenn geleier gant Erwan Blanchard