Stanket eo pont Montroulez gant al labourerie-douar

Da heul ul luskad broadel kaset gant an FNSEA hag ar JA, zo bet stanket hentoù-tizh e bro C'hall hag e Breizh. Gwendal Paoli, bez-prezidant FDSEA Kastell-Paol, a zo er mare-mañ o stankañ pont Montroulez. Displegiñ a ra perag AMAÑ.

Ur gelaouadenn gant Erwan Blanchard.

Digor eo ar C'hwartz e Brest en dro

Goude tri bloaz a labourioù eo digor ar sal arvestoù broadel adarre. Lors Moal, soner er bagad Cap Caval, a zo bet o seniñ alies er sal da zigarez ar c'hampionadoù bagadoù rummad kentañ. Deomp d'ober ur weladenn d'ar sal gantañ, AZE.

Ur pennad-kaoz gant Erwan Blanchard.

Ha da vezañ klevet er c'heleier-mañ en izhpenn :

- marvet eo merc'h al labourerez-douar e bro Ariège goude ar gwall-zarvoud war an hent stanket

- roet vo respontoù da c'houlennoù al labourerien-douar e kerzh ar sizhun gant Gabriel Attal

- E Gaza e vez tizet an ospitalioù gant an arme israelad

- Asantet 'n eus bro Durkia degemer bro Sued en OTAN

- 100 den a zo bet o vanifestiñ dec'h enep da Jordan Bardella, deuet da reiñ mel da besketerien porzh an Oriant

- Manifestet voe dec'h e Plouizi gant tud ar vugale sañset arnodiñ an dilhad unvan er skol

- Aotreet eo bet d'ar men-gleuz kaolin e Plañvour da vrasaat gant ar prefeti

- Kib Afrika ar Broadoù : tremen a ra Kameroun ha Maoritania e eizvet gourfennoù

Keleier kinniget gant Tunvezh Gwlagen-Grandjean.