- Festival no border

Trizekvet gouel No Border zo lanset ‘ba Brest. Ar strollad Ivarh, Maar, Bubby Mayse hag Annie Ebrel ‘noant sonet da gentañ dec’h. No Border zo aozet beket disul. Ar pal zo degemer sonioù, tonioù poblek gant arzourien eus ar bed a-bezh asambles gant arzourien eus Breizh. Reiñ a ra No Border an tu da zizoloiñ arvestoù nevez… Evel an hini a vo kaset gant Kreiz Breizh Akademi ‘ba sal ar Mac Orlan… Brulu eo anv an abadenn nevez zo bet renet gant ar c’haner hag ar rapeur Krismenn. Muioc’h a zisplegadennoù gantañ war Kreiz Breizh Akademi 9.

Ur pennad-kaoz gant Erwan Blanchard

Ur rakres teulfilm diwar-benn Bro Gwened anvet "Evor"

« Evor », setu anv raktres-teulfilm Glenn Gouthe. Faot a ra d’ar sevener sevel ur film war ar vretoned hag ar bretonezed a zo o chom e Mor-Bihan. Mont a ray da atersiñ tud da gomz eus ar vro, o identelezh ha petra o deus c’hoant treuzkas. E galleg hag e brezhoneg e vo an teulfilm. Met evit dont a benn da echuiñ anezhañ en deus afer sikour Glenn Gouthe. Savet en deus ar sevener ur crowfundig dre lec’hienn Kengo. Ur bern istorioù zo da gontañ e Mor-Bihan… Glenn Gouthe en deus kroget da vont da welet an dud dija, evit mont e darempred ganto. Kontañ a ra deomp perak en deus divizet ar vro-se evit an teulfilm-mañ…

Ur pennad-kaoz gant Enora Molac deus Radio Bro Gwened

Selaouit ar reportajoù amañ

Da selaou en ouzhpenn er frapad keleier-mañ :

- Stad ar brezel e Palestina

- Referendom e Venezuela diwar-benn rannvro Essequibo

- Maligornadeg e Lambaol

- Krogad Skipailh Roazhon e Budapest a-enep Haïfa

Keleier embannet gant Anton Burel