Evit ar wech kentañ 'oa c'hoariet an arvest "Hentoù al laezh" ar sizhun dremenet. Komedianed Teatr Piba 'neunt kinniget ur pezh diwar benn istor al laezh 'ba Ti ar c'hoariva 'ba Brest. Istor al laezh hag hini mab den 'neus dizoloet ar mad e c'hall bout al laezh evitañ ha krouiñ ar saout tamm ha tamm. Tomaz Kloareg, leurenner anezhañ", a gas an arvesterien d'ober ur road trip war roudoù ur sevenadurezh 'oa ganet 12 000 bloaz zo 'ba Turkia: sevenadurezh ar broduiñ laezh 'neus cheñchet planedenn bugel den. Perak lakaat ar gaoz war al laezh… Selaouomp Tomaz Kloareg.

Klevet 'peus ur gelaouadenn gant Erwan Blanchard. C'hoariet e vo ar pezh "Hentoù al laezh" en dro e 2024… 'ba Roazhon, Choisy-le-Roi, Landerne, Zinzac-Lokrist ha Vains 'ba Normandi. An holl ditouroù zo da gaout war lec'hienn internet Teatr Piba.