Asezoù sevenadur Breizh hag ar brezhoneg e bro Gerne
A-benn warc'hoazh e vo dalc'het asezoù sevenadur Breizh hag ar brezhoneg e bro Gerne. En em soñjal war dazont sevenadur hor bro hag ar brezhoneg eo ar pal ha pedet eo aktourien ar bed kevredigezh da gejañ ouzh an dilennidi lec'hel. Muioc'h a ditouroù gant Yann Gwilhamot, ezel eus bodad aozañ Kuzul diorren Kerne.
Da 1e30 goude mern e krogo an devezh en MPT pe Ti an Holl e karter Penhars e Kemper warc'hoazh. Prezegennoù ha pevar atalier a vo e-pad an abardae, diwar-benn merañ ar c'hevredigezhioù, arc'hantaouiñ ar c'hevredigezhioù, dazont ar brezhoneg hag an etre-anaoudegezh er bed kevredigezhel. Lusket e vo an devezh gant abadennoù arzel ivez.
Pep hini a c'hell en em enskrivañ enlinenn. Gallout a rit lakaat o anv war lec'hienn Quimper Cornouaille Développement : ww.qcd.bzh
