Setu ouzhpenn ur miz zo bremañ e vez bombezennet bandenn Gaza dibaouez gant an arme Israelian, ha marvet zo ouzhpenn 10 000 a dud dija. Diaes-tre eo d'ar sikourioù mont e-barzh ar vandenn ha spontus eo konditionoù bevañ tud Gaza. Ne c'hell ket ar vezeien ober war dro an dud 'vel ma zo dleet kennebeut. Ne c'hell ket kement-mañ padout evit ur pemzek aozadur bennak evel France Palestine Solidarité, an UDB, NPA, ar strollad evit ar peoc'h. Gervel a reont an dud da vanifestiñ en-dro e Kemper 'benn disadorn. Selaouomp Youn Jardin, a aoz ar vanifestadeg e anv an AFPS.

Setu klevet ho peus Youn jardin eus ar gevredigezh Frañs Palestin Kengred, aterset e oa bet gant Metig Jakez-Vargas. Ur vanifestadeg a vo e Kemper warc'hoazh neuze da 2e30. Ha manifestadegoù all a vo ivez disadorn er vro : da 11e mintin e Sant-Brieg ha da 3e e Roazhon. Ur vanifestadeg a vo fenoz ivez, e Lannuon, da 5e30 goude-mern.