Ur sizhun war lerc’h ar gorventenn Ciaran emañ atav ar Vretoned o kempenn an distrujoù zo bet ‘bar vro. Stalioù zo bet foeltret ha tapet fall eo bet embregerezhioù zo. Hini Gwenole Ollivier ‘ba Plouider zo bet skoet mat. Nijet ‘neus kuit ul lodenn eus toenn an hangar lec’h ma vez breset ar bier D’istribilh. Kontet ‘neus da Erwan Blanchard penaos eo bet foeltret e dafar labour.

‘Benn an 18 a viz Du e vo dalc'het Yaouank, Fest-noz brasañ ar ar vro e Park an diskouezadegoù e Roazhon...9000 korollerez ha koroller a zo gortozet du-hont evit ur fest-noz a bado 12 eurvezh ! Selaouomp Sterenn Diridollou a zo en karg deus ar c’hehentiñ e Skeudenn Bro Roazhon.

Holl reportajoù Keleier ar vro da selaou AZE.

Ha da glevout ivez er c'heleier :

- Nac'hañ a ra Benyamin Netanyahou un harz-tennañ

- Kroget eo Narges Mohammadi, priz Nobel ar peoc'h, gant un harz-debriñ

- Abaoe dilun e vez labouret evit mann gant ar plac'hed e Frañs

- Studiet e vez ar raktres-lezenn war an divroañ en deizoù-mañ gant ar Sened

- Sac'het eo bet ministrerezh an treuzkemm ekologel gant stourmerien evit an endro dilun

Keleier kinniget gant Metig Jakez-Vargas