- Peseurt mod lakaat boued mat e-barzh hom asiedoù ? Sell aze danvez un emvod publik a oa bet e Sant-Eganton dilun. Un emgav lusket gant depute ar « Frañs disuj » e pastell-vro Gwengamp, Murielle Lepvraud. Da sikour magañ ar skiant a vo ret kaout evit tizhout ar pal e oa bet pedet forzh tud da gemer ar gaoz gant ar gannaded ha kannadezed. En o-zouesk e oa Goulven Troadeg ha Kristen Bodros, peizanted eus Koñfederasion ar Beizanted. Ar re-se o deus tennet o mad eus an emvod publik evit lakaat war wel ar skoilhoù a zo war o hent a beizanted bio evit an deizioù, dre ma oa ar wezh kentañ dezhe da resev ur seurt pedadenn...

Un atersadenn gant Tomaz Laken ha Morgane Large

- Kanaouenn ofisiel ar Redadeg 2024 : A-benn fin ar miz e vo tu prenañ kilometradoù ar Redadeg 2024. Hag embannet zo bet kanaouenn ofisiel nevez gant an aozerien, a vo kanet evit ar wech kentañ war leurenn Deus'ta e Brest e penn kentañ miz Du. Ar c'henlabour etre arzourien hag arzourezed a zo dic'hortoz. Muioc'h a ditouroù gant Fulup Kere, prezidant ar Redadeg.

Un atersadenn gant Pauline Daniel

Ar reportajoù zo da selaou amañ

Da glevout ouzhpenn 'bar c'heleier :

- Ouzhpenn 500 palestinad a zo bet lazhet gant Aerlu Israel e bombezadeg Ospital badezour Al Ahli Al Arabi e Gaza

- Gourdrouz ar Bezen Poulain da gumun Trec'horanteg hag An Amzer embannadurioù

- Roudoù deus Rouantelezh Breizh e Argantred ar Genkiz

- Aet eo ar maout gant ar re c'hlas da vare ar c'hrogad a vignioniezh etre Bro-C'hall ha Bro-Skos. 

Embannet eo an abadenn gant Anton Burel