Flux! Un trede-lec'h eus ar c'hentañ troc'h 'ba Kemper
Digwener da noz e oa bet lidet digoradur ul lec'h nevez ha digustum e Kemper : un trede lec'h anvet Flux. Douget eo Flux gant kevredigezhioù deus bro Kemper evel « Les Portes Logiques » a labour war an teknologiezhioù hag ar sevenadur niverel ; « Gwennilli », a aoz eskemmoù european evit an dud yaouank, pe c'hoazh gant ar strolladoù feminist « Difenn » ha « NousToutes Kemper ». Met ivez gant tud o doa c'hoant krouiñ ul lec'h degemerus ha ma c'hellfe pep hini dont da zeskiñ traoù ennañ. Setu ho huñvre deuet da wir. Kamille Argouarc'h, ezel eus ar gevredigezh nevez Flux, a gont deomp hiroc'h. Emañ gant Metig Jakez-Vargas.
Ha gallout a ra pep hini dont d'ar c'hafe kevredigezh d'ar Merc'her, Yaou, Gwener ha Sadorn Goude mern.
