Flux! Un trede lec'h eus ar c'henta­ñ troc'h 'ba Kemper 

Digwener da noz e oa bet lidet digoradur ul lec'h nevez ha digustum e Kemper : un trede lec'h anvet Flux. Douget eo Flux gant kevredigezhioù deus bro Kemper evel « Les Portes Logiques » a labour war an teknologiezhioù hag ar sevenadur niverel ; « Gwennilli », a aoz eskemmoù european evit an dud yaouank, pe c'hoazh gant ar strolladoù feminist « Difenn » ha « NousToutes Kemper ». Met ivez gant tud o doa c'hoant krouiñ ul lec'h degemerus ha ma c'hellfe pep hini dont da zeskiñ traoù ennañ. Setu ho huñvre deuet da wir. Kamille Argouarc'h, ezel eus ar gevredigezh nevez Flux, a gont deomp hiroc'h. Emañ gant Metig Jakez-Vargas.

Gouel an Ened kant 'bloaz zo !

Disadorn o deus bet tro ar pennoù-sardin da welet filmoù eus an Ened, dielloù personnel roet digant an dud da gWarezh Filmoù Breizh. Leun kouch e oa ar sal evit gwelet penaos e oa treuzwisket an dud gwechall ha peseurt mod e oa ar charioù. Selaoump da gentañ Olivier Dussauze, eus Emglev Bor Douarnenez ha Gwendal Le Goff, un arvester. Skignet e oa ar filmoù-se da geñver ar festival Dispar Amzer e Douarnenez, a bado betek ar 15 a viz Kerzu. Ur reportaj kaset gant Metig Jakez-Vargas.

Ar reportajoù zo da selaou amañ

Hag ouzhpenn 'bar c'heleier:

- Brezel Izrael ouzh an Hamas

- Dilennadegoù deputeed 'ba Pologn: aet eo ar maout gant an tu kreiz pro-european

- Lid da enoriñ Dominique Bernard, ar c'helenner, bet drouklazhet gant 'ba Arras

- War an echu emañ an Nupes

- Ur porc'hell gouez bet adkavet marv gaozen d'ar bezhin glas war draezhenn Grandville 'ba Hillion

- Un tamm sell war ar sportoù.

Embannet eo ar c'heleier gant Erwan Blanchard.