Seizhvet lid ha tregont kolieroù an Erminig oa bet disadorn e Dinan. Pevar breton ha bretonez oa bet enoret war an digarez-se. An istorour Joël Cornette pe c'hoazh ar mestr-keginerez Nathalie Beauvais he doa bet an dro-c'hoûg digant Herve ar Beg, beskañseller mignoned an Erminig. Monique ar Boulc'h, Loeiz Belleg ha Ronan ar C'hoadig da glevout er reportaj ivez. Ouzh mikro Erwan Blanchard.

Keleier digant Tomaz Andre a zo o c'hoari war ar Mini Transat 2023. Hennezh zo war vor dindan livioù Diwan. 17vet e oa en em gavet e fin an tennad kentañ digwener da beder beure, gant 18 eurvezh dale war an hini kentañ en e rummad. D'an 28 a viz Here e loc'ho an eil tennad etre La Palma Canarias ha Sant-Frañsez Gwadloup.

Holl reportajoù Keleier ar vro da glevout AZE.

Ha da glevout ouzhpenn er c'heleier :

- Argadenn vras gant an Hamas a-enep Izrael

- Ouzhpenn 2000 a dud aet gant ur c'hren-douar en Afghanistan

- Derc'hen a ra an arme turk da vombezañ Rojava

- Devezh oberoù a-enep ar feurmoù-uzin disadorn

- Kard finaloù Kib Bed ar Rugbi da zont

- Ar Rose Espoir e Plouvagor

Keleier lavaret gant Tomaz Laken