Goulenn a ra Rannvro Breizh bout emren!

Kaset zo bet un danevell war emrenerezh ar rannvro gant Loig Chesnay Girard, prezidant ar rannvro, d'ar c'hentañ ministrez, diriaou temenet. Sinet e oa bet gant holl strolladoù ar rannvro, estreget an RN. N'eo ket ken ambisius an destenn war an emrenerezh hag ar pezh a zo c'hoantaet gant ar statud emrennerezh kinniget gant dilennidi Korsika. Met ar prantad mat e c'hellfe bezañ memestra evit ar Rannvro da c'hounid ur statud a emrenerezh, gant nebeutoc'h a c'halloudoù, hervezh Paul Molac, kannad ar Morbihan er breujoù hag er rannvro. Ur pennad-kaoz gant Metig Jakez-Vargas.

Un tamm sell war lizher kelaouiñ Splann!

Ur wech ar miz e roomp ar gaoz da gazetennerien ha kazetennerezed Splann ! ba Keleier ar Vro. Setu ur sell war ur sujed resis, da lenn e lizher miziek ar media breton. Gant Tomaz Laken ha Juliette Cabaço-Roger.

Ar reportajoù zo da selaou amañ

Da glevout ouzhpenn 'bar c'heleier:

- Muioc'h evit 50 sivil ukrenian lazhet gant ur bombezadeg. 

- Nac'haat a ra ar gevelerien sokial ma vo sunet 1 miliard a euroioù bep bloaz 'ba kef Agir-Arcco gant Stad Bro-C'hall

- Lig kolier an erminig a vo dalc'het 'ba Dinan warc'hoazh

- Lig Europa: kollet gant Stad Roazhon war dachenn Villareal 0-1

Kinniget eo an abadenn geleier gant Erwan Blanchard