Ouzhpenn 1800 den a oa e Kemper an disadorn evit difenn ospital Karaez...Dileuridi, en o mesk Kristian Troadeg Maer Karaez ha Melanie Thomin kannadez ar Poc’her, hag izili deus komite difenn an ospital oa bet degemeret er prefeti evit klask un diskoulm gant Prefed penn ar bed. « N’hon eus gounezet netra » en deus embannet Kristian Troadeg da heul an emgav-se. Met ezhomm bras a zo e chomfe digor servij trummadoù ospital Karaez hervez Fulup Kere, a oa e mesk ar vanifesterien ha Maelan Joubin… Ur pennad-kaoz gant Anton Burel.

Pinvidik eo istor kêr Roazhon ha div vandenn dreset a zo bet embannet war an tem-se. Skrivet en deus Thierry Jigourel meur a vandenn dreset hag a levrioù diwar-benn Istor Breizh. Levrenn 1añ ar vandenn dreset diwar benn Istor Roazhon a oa deuet maez e 2020. Emañ an eil levrenn o paouez dont er maez. Kontañ a ra istor Roazhon deus an dispac’h vras betek hiziv an deiz, da lavaret eo deus devezh ar brikolennoù betek tangwall Breujoù Breizh.

Holl reportajoù Keleier ar vro da selaou AZE.

Ha da glevout ouzhpenn er c'heleier :

- Ministr gall an armeoù en deus disklêriet e vefe dav da Ukrenia prenañ an armoù gall

- Aet eo ar maout gant ar strollad populour ha pro-rusian e dilennadegoù Slovakia

- Milionoù a dud o deus manifestet a-enep ar strollad a zo er galloud e Polonia

- Un taol sponterezh a zo bet nebell da barlamant Ankara e Turkia dec'h, aozet gant ar PKK

-Abaoe dec'h e c'hell an dud nammet o vevañ gant ur pried resevout an AAH

Keleier kinniget gant Metig Jakez-Vargas