Galoupat ouzh krign-bev ar vronn ! Muioc’h ‘vit 11 000 a dud ‘oa ‘ba traezhenn ar Vilin Wenn ‘ba Brest dec’h evit kemer perzh ‘ba Odyssea. Galoupet ‘neunt da genver meur a gours ‘zo aozet ‘baoe 20 da rastellat arc’hant ‘vit skoazell ar c’hevredigezhioù hag an enklaskourien zo o labourat ‘vit kaout diskoulmoù da stourm ouzh krign-bev ar vronn… Bep bloaz eo muioc’h ‘vit 50 000 maouez ‘zo disklaeriet tapet gant ar c’hleñved se ‘ba Bro-C’hall… Ur bouchad familhoù ha tud ‘zo skoet gant ar c’hleñved neuzen… se ‘zo kaoz ‘oa kement a dud war hentoù bro Brest dec’h… Veronique Le Meur, eus ar Relecq-Kerhuon, ‘oa deuet da c’haloupat gant he familh...

Ar bloaz mañ eo tost 90 000 euro ‘zo bet dastumet memestra… Abaoe eo bet roet lañs da Odyssea ‘ba Bro Brest eo 900 000 euro ‘zo bet gounezet ha rannet gant kevredigezhioù hag Ospital Brest. Klevet ‘peus ur pennad kaoz gant Véronique Le Meur ‘oa ouzh mikro Erwan Blanchard.