Pegadennoù XXL war mogerioù kêr bPondi!
Treuswisket mogerioù kreiz-kêr bPondi an deizioù-mañ. Fotoioù 3 pe 4 metrad uhelder a zo bet peget, get liv an amzer dremenet klinket brav hag "etnik".
A-houde ar bloaz paset e vez douget seurt raktresoù e pep korn Breizh get ar Gengevread Kenleur. Peget 'zo bet stummoù tud àr mogerioù Malestroit, Kastellin, Klegereg, Kemper hag ur bochad kerioù arall. Ar c'helc'hioù keltieg ha kevredigezhioù arall a ya da glask fotoioù kozh, ha setu penaos e vez "treuswisket" hon hendadoù get grafourien Kenleur. Florian Ferré eo an hani en deus labouret àr fotoioù Pondi. Bet eo Enora Molac deus RBG o welet prezidant Kerlenn Pondi Eflamm Louis o pegiñ, asambl get ken-rener Kenleur àr blasenn Bisson.
