Dilun tremenet e oa aozet ur genstrivadeg e Karaez evit liseidi Diwan, anvet an Erminig Helavar. Ar 15 den yaouank a gemere perzh a ranke ezteurel o soñjoù dre gomz ha kendrec'hiñ ar selaouerien ha selaouerezed war un tem dibabet gante, e brezhoneg evel just, hep lenn na sellet ouzh o notennoù. Barnet e oant war o arguzennoù hag o c'hoari. 1000€ a oa da c'hounit, gant sammadoù brasoc'h da vezañ dasparzhet etre an tri gwellañ, a-drugarez d'ur profour. Pascale Chevillard, en karg eus eil-derez Diwan, a gont deomp hiroc'h...

Klevet ho peus ur reportaj gant Metig Jakez-Vargas.Ha gant Aenor Geffroy-Dauwe eus lise Diwan Gwened eo aet ar maout, a-drugarez d'he frezegenn war ar venelouriezh. Un tem a-bouez evit ar re yaouank rak 4 lisead ha liseadez diwar 15 kenstriver ha kenstriverez o doa dibabet sujedoù tro-dro d'ar venelouriezh.