- Distro eo mare an adlodennañ

Etre 2017 ha 2021 eo bet diskaret 23500 km a girzhier bep bloaz e Breizh ha 3000 zo bet plantet. Div wech muioc’h a girzhier zo bet distrujet evit ar prantad etre 2006 ha 2014. Un tolpadeg zo bet dalc’het dimerc'her dirak kambr labour douar aodoù an arvor e Plerin evit difenn ar c’hleuzioù. An tolpadeg a oa aozet gant Extinction Rebellion hag ar c’henstroll Kleuzioù, selaouomp Annie Gwilhoù ha Marilia ….

- Kenstrivadeg Erminig Helavar e Karaez

Dilun tremenet e oa aozet ur genstrivadeg e Karaez evit liseidi Diwan, anvet an Erminig Helavar. Ar 15 den yaouank a gemere perzh a ranke ezteurel o soñjoù dre gomz ha kendrec'hiñ ar selaouerien ha selaouerezed war un tem dibabet gante, e brezhoneg evel just, hep lenn na sellet ouzh o notennoù. Barnet e oant war o arguzennoù hag o c'hoari. 1000€ a oa da c'hounit, gant sammadoù brasoc'h da vezañ dasparzhet etre an tri gwellañ, a-drugarez d'ur profour. Pascale Chevillard, en karg eus eil-derez Diwan, a gont deomp hiroc'h...

Holl reportajoù Keleier ar Vro a  c'heller klevout AZE

Ha da glevout ivez er c'heleier :

- Pennoù-bras e Kiev ha Sant Petersbourg evit klask tizhout ar peoc'h

- An enepargadenn en Ukraina

- Un taos nevez evit an eiltiez e 203 kumun e Breizh

Keleier embannet gant Anton Burel