Roeñverien war vor gwellañ 'vo ba Brest

Roeñverien war vor gwellañ Bro-C’hall ‘vo bodet ‘ba Brest ar bloaz mañ ! ‘Benn fin miz Mae eo war dro 500 sportour live uhel a gaso o bigi mod aviron war al lenn-vor. Emgav d’ar 26 ha d’ar 27 a viz Mae ‘ba marina ar Vilin Wenn da geñver ur pezh mell arvest : muioc’h ‘vit 50 redadeg ‘vo dalc’het en holl. Komañs ‘reont da vrudañ un darvoud ‘vo dalc’het ‘ba Brest ‘vit ar wech kentañ. Muioc’h a displegadennoù gant Mikael Baudu zo ezel eus Aviron Brestois. AMAÑ

Ur pennad-kaoz gant Erwan Blanchard.

Budjed 2023 an Treuzdougen
Penn Kentañ ar sizhun tremenet e oa dalc’h kuzul rannvro Breizh. Mouezhiet neunt kuzulierien ha kuzulierezed rannvro Breizh ar budjed kentañ. Daou ugent mouezh evit, pevar ha tregont a-enep, 9 neptu. E mesk ar c’hinnigoù bet mouezhiet eo kresk priz an tikidi evit an TER tren herrek rannvroel ha Kirri boutin ar rannvro, ar busoù Breizhgo. N’eo ket bras ar c’hresk-se ha ne vo ket evit tout an dud, met ur sin fall eo evit ar strollad Breizh a-gleiz, selaouomp Gael Briand Kuzulier rannvro ar strollad.AMAÑ

Un atersadenn gant Anton Burel

Ha da glevout ivez er c'heleier :

- Brezel en Ukrenia

- Tenn eo an darempredoù etrevroadel e ledenez Korea

- Prantad sec'hder e Breizh

- 22 Klasad ha skolioù divyezh nevez a-benn 2023

- Ur gemenn bombezenn er Poc'her

Keleier kinniget gant Anton Burel