Ur raktres sevel ur savadur gant lojeiz zo 'bar Vilin Wenn. War al lec'h anvet La Cantine, e-tal ar mor, 'tlefe bout savet 53 ranndi ha stalioù konvers. Muioc'h 'vit 3600 a dud 'neunt sinet un destenn 'vit goulenn ma 'vo nullet ar raktres daoust m'eo loc'het al labourioù da gempenn an dachenn. Gwerzhet 'oa bet an dachenn gant Brest Meurger da gêr ar Releg 'noa gwerzhet 'nezhi d'ur stal brevez… Ar plas zo anvet La cantine peogwir 'oa staliet 'bal lec'h 'vije debret gant ar vicherourien 'oa o labourat gant un uzin da broduin poultr en 19vet kantvet hag an 20vet kantved. Abaoe bloavezhioù 'oa chomet ul lec'h digor d'an holl, gant gwez ha kement 'zo. Strolladoù annezidi ar Releg n'int ket evit asantiñ 'yaio an dachenn gant ur stal brevez. Jakez-Erwan Mouton zo 'bar stourm abaoe ar penn kentañ. Kontañ 'ra deomp perak zo tud zo savet a enep ar raktres. Emañ gant Erwan Blanchard.