'Ba Plourin-Montroulez 'oa bet tapet tri c'harr-samm gant laezh e-barzh gant meur a broduer laezh dimeurzh beure tremenet. Ha skuilhet ganto war dro 100 000 litrad laezh. Stanket 'noant ivez mont e-barzh ar c'hooperativ Triskalia 'ba Plourin-Montroulez. Evel-just e c'houlennont ganto 'vefe kresket priz al laezh evit 2013 hag e vefe roet eizh euro dre mil litrad ouzhpenn evit ar bloavezh 2012. Petra soñj merourien ar stal, 'zo peizanted ivez, diwar-benn seurt oberennoù ha petra c'hallont 'or 'vit sikour ar broduerien laezh 'zo fall o stad? Deomp da selaou Jacques Guillou, unan eus merourien Triskalia.