"Trois nuits par semaine", un hir-metrad da zizoleiñ bed an drag !
Ur bern rak-soñjoù a zo warno, ha disanavezet e chom bed an drag-queenezed hag an drag-kinged. Gant ar film « Trois nuits par semaine » eo splujet an arvesterien·ezed er c'hleuboù drag. An hir-metrad, deuet er maez teir sizhunvezh zo e bro C'hall, eo an hini kentañ sevenet gant ar saver filmoù yaouank Florent Gouelou. Kontiñ a ra istor Baptiste, e darempred gant ar vedisinez Samia, hag a ra anaoudegezh gant un drag-queen Cookie Kunty. Dizoleiñ a ra tamm ha tamm bed an drag, ha Quentin, ar paotr yaouank kuzhet a dreñv ar c'hween Cookie...
Simon Feray a oa eil-skoazeller kamera e skipailhad treiñ « Trois nuits par semaine », daou vloaz 'zo.
Un atersadenn gant Tunvezh Gwlagen-Grandjean.
