« Deoc'h da C'hoari ! » : « A vous de Jouer ! ». Ur festival war ar c'hoarioù a vez aozet bep bloaz e Kemper. Tregont vloaz 'zo e vez dalc'het tri devezh da bediñ an dud da c'hoari asambles. Aozet vez gant Ti an Holl karter an Erge Vihan. Bep bloaz e vez un tem. Bloaz paseet e oa bet graet war dem Jules Verne, met ar bloaz-mañ eo war dem... Breizh ! Kenlabourat a raio Ti an Holl an Erge Vihan gant kevredigezh kerent ar skolioù Diwan e Kemper da lakaat ar c'hrouadurioù da glevet kontadennoù e brezhoneg da skouer, met ivez gant Kelc'h Keltiek Danserien Kemper... Selaouit Estelle Mansour, ezelez kuzul merañ Ti an Holl, ha Margot Trebern, karget deus ar gehentiñ en MPT...

"Deoc'h da C'hoari" d'ar sadorn 12 ha d'ar sul 13 a viz Du e Ti an Holl an Erge Vihan. 1€ da vont e-barzh evit un den, ha 3€ evit ur familh.

Un atersadenn gant Tunvezh Glwagen-Grandjean.