Kastell Leuhan, e anv, 'zo bet savet 'ba Plabenneg etre 1882 ha 1884. Dilezet eo 'baoe 10 vloaz ha lakaet 'vo e gwerzh diouzh ar c'hresk 'vit 40 000 euro 'vit komañs... Kemer perzh 'raio an izili eus ar gevredigezh « Un chato à Plab » 'bar gwerzh-se 'benn ar 4 a viz Here, neuzen. Evit en ober 'neunt krouet un SCI 'vit sevel arc'hant ha klask prenañ ar maner a zo dispar... Muioc'h a displegadennoù war ar raktres gant Gwenole Breton, ezel eus « Un chato à Plab ».

An holl dud dedennet gant ar raktres prenañ maner Leuhan gant « Un chato à Plab » 'zo pedet da gemer perzh 'ba un emvod foran. Dalc'het 'vo d'ar yaou 15/09 da 8e noz 'ba sal Marsel-Bouguen 'ba bourk Plabenneg. Displeget 'vo ar palioù 'zo maget gant ar gevredigezh hag an ezhommoù arc'hant 'zo 'vit bout trec'h war an dnavez prenerien all a zo...

Un atersadenn gant Erwan Blanchard.