Dizoloiñ Breizh en ur vale pe ur vont war varc'h ha war vor c'hoazh: setu pezh 'zo kinniget gant ar saloñs Baleadenn 'vo 'benn an dibenn sizhun o tont 'bar Vourc'h-Wenn 'kichen Brest. Aozet eo gant kerent skolaj Diwan 'zo 'bar Relecq-Kerhuon. Kevredigezhioù gouestlet d'ar baleadennoù, aozerien, tud hag a degemer ar valeerien, marc'hadourien dafar: un tregont bennaket a standoù 'vo da daremprediñ. Prezegennoù 'zo lakaet war ar roll: da skouer unan kaset da benn gant paeron 2013 ar saloñs, Yvon Etienne, 'vit goût peseurt ober gant memes hentoù ganta re ya gant kezeg, war o zreid pe gant ur VTT c'hoazh. Baleadennoù 'vo kinniget ivez, abep seurt. Unan 'vo kaset e saozneg 'vel 'ma 'vo kontet deomp gant Gwenael Le Joncour unan eus an aozerien. Met da gentañ deomp da selaou Annie Polard 'vit goût peseurt bro 'vo lakaet ar bloaz-mañ 'kerzh Baleadenn. Gant Erwan Blanchard.