Anavezout a rit, sur a-walc'h, an heuliad Tele « Flapakarr » ! Sketchoù-berr a zo kenbroduet gant Mara Film, kevredad produiñ, ha gant ar webtele Brezhoweb. An heuliad a gont istoer un den anvet Yann-Baol hag a ya en hent alies. Kenweturiñ a ra gant an arload « Flapakarr ». En abeg d'an dud a zo degemeret getañ e c'hoarvez istoerioù a bep seurt ! Flapakar a zo un heuliad fentus, farsus, e brezhoneg penn da benn. Flapakarr a zeuy en dro àr ar skrammoù kar filmet eo bet ar c'houlzad 2 ! Yuna Kojan zo bet o welout penaos e yae an traoù dirak ar c'hamera. Selaouomp diouzhtu skriverezed ar senario : Aziliz Bourgès ha Goulwena an Henaff. Displegañ a reont deomp penaos e kavont soñjoù evit ar senario... Filmerezh « Flapakarr » a bado 3 sizhunvezh. Filmet eo a-barzh studio Brezhoweb, ur studio bras ha nevez flamm staliet b'an Alre.