Gouiet hiroc'h a-zivout pochoù biniou ha bombardoù ag ar bed.
Setu tem ar mitiniad staj oa savet disadorn get skol sonerezh Lann ar Ster. Digor e oa da razh an dud a zeska sonerezh e skolioù an departamant. Un ugentad a dud oa daet da selaou doh Alan Buhé, neus dastumet pochoù biniou ha bombardoù a bep korn ag ar bed : Italia, Roumania, Estonia, Finland, Tanzania, Marok... Get ar gevredigezh Dasson an awel e tremena amzer evit diskweziñ ar benvegoù-mañ d'an dud. Janig ha Mael oa daet da zeskiñ hiroc'h. Emaint doh mikro Yaelle ar Mouel.
