Saotret eo bet ar ster Benzes war dri c'hilometr 'ba Taole fin ar sizhun dremenet. Tonnenoù a zour hanvouez 'zo erru 'ba unan eus sterioù mat da besketa eoged pe dluzhed 'ba Breizh. Deuet eo ar chug moc'h eus un uzin da broduiñ moc'h 'zo chouk ar ster Benzes... Hervez perc'hen ar stal, unan eus ar re vrasañ 'ba Penn ar Bed, 'vefe ur gwall zarvoud ! Gant ar c'hevredigezhioù Dour ha sterioù Breizh, pesketourien an AAPPMA Montroulez ha CLCV Montroulez 'zo bet dougenet klemm evit ma 'vefe studiet an darvoud ha kastizet 'ni 'zo kaoz. Selaouomp Gael, ezel eus APPMA Montroulez. Embannet eo gant perc'henn ar stal 'zo erru 50 metrad kub... N'eo ket 'pezh 'neus gwelet Gael 'pa 'oa en em gavet war bord ar ster... Un atersadenn gant Erwan v/Blanchard.