A-benn Disul e vo un emgav braz e kumun Brieg, enep da stal Amazon Kroget eo an istoer mar a viz 'zo. Klasket vez dre a bep seurt moianoù mirout Amazon da sevel ur greizenn dasparzh he froduoù e Kerne Izel. Gwerzet eo bet an douar gant kumuniezh Kemper Breizh Kornôg... Ha roet an aotrez sevel ti get maer Brieg. Dre e statud n'eo ket rediet ar stal da dremen dre un enklask foran, a vez kaset pa vez ur riskl efed fall àr an endro. Bremañ neuze e chom d'an enebourion hent ar justis, hag hini ar straedoù. Mael Tomaz a zo un den yaouank deus ar strollad Stop Amazon. Displegiñ a ra domp peseurt abegoù a zo evitañ da vont enep. An hini kentañ eo an abeg ekologel... setu-eñ doc'h mikro Tunvezh Glagen-Grandjean An emgav a zo roet da 11e a-benn disul àr blasenn vraz bourc'h Brieg. Kerzhet vo goude-se betek al lec'h ma klask Amazon staliañ e raktres. Du-se e vo prezegennoù, gall a raio an dud kas boued ganto m'o deus c'hoant debriñ eno. Ha lakaet vo sonerezh a vo degaset get sikour ur strollad teufourien, da zegas sonerezh e divskouarn an dud, er mare-mañ pa n'eus ket.