Kavout c'hoarioù video e brezhoneg 'zo posubl. A drugarez- d'an dud o deus troet ar c'hoarioù, pe gant ur strollad tud pe o-unan. Gwenn Meynier 'zo c'hoarier met ivez streamer e brezhoneg. Ur streamer 'zo un den hag a skigna e c'hoariadennoù en linenn dre ul lec'hienn internet arbennik. Gwenn Meynier en deus troet ivez c'hoarioù e brezhoneg : Steredenn, Flipon hag ul lodenn eus Minecraft. Steredenn 'zo ur c'hoari bet kroet get ur strollad eus Roazhon. Gwenn Meynier en deus goulennet ganto ma fellfe dezho 'vefe lakaet o jeu e brezhoneg.. Hag a du e oant! Goude-se, pa oa savet Flipon, eo bet 'ni 'neus ijinet ar jeu en darempred en dro gantañ evit ma 'vefe kinniget ar c'hoari-mañ e brezhoneg ivez; Gwenn Meynier en deus troet ivez ul lodenn eus Minecraft. Ur c'hoari brudet tre, gant ouzhpenn kant warn ugent milion a c'hoarierien. Displegañ a ra deomp penaos en deus graet evit treiñ ul lodenn eus Minecraft... ouzh mikro Yuna Kojan. E-kerzh ar prantad klozañ en deus krouet Gwenn Meynier ur strollad dre zDiscord, ul lec'hienn internet, evit c'hoari c'hoarioù video e brezhoneg asambles. C'hoarioù video zo bet troet e brezhoneg neuze. Met ivez e korseg hag e euskareg !